“Bashkimi Europian do të ofrojë perspektivën e anëtarësimit edhe për gjashtë vendet e Ballkanit Perëndimor deri në vitin 2025-ën, pasi ndër tjerash kërkon që të forcohen kontrollet mbi migracionin dhe për t’iu kundërvënë ndikimit rus në rajonin e paqëndrueshëm”, shkruhet në artikullin e publikuar nga “Financial Times”
Komisioni Europian do të publikojë ditën e martë një dokument, ku pritet të vendos objektivin për atë që do të jetë zgjerimi më i madh i vetëm i bllokut në dy dekada.
Por, diplomatët evropianë thonë se afati kohor ambicioz, megjithëse më shumë se motivues se realist, është vendimtar për të shtrënguar lidhjen ndërmjet Brukselit dhe vendeve që dolën nga rënia e Jugosllavisë, plus Shqipërinë fqinje.
Perspektiva e anëtarësimit, megjithëse e largët, ka qenë prej kohësh një nxitje për reforma dhe pajtim në rajon pas luftërave ballkanike të viteve 1990-të.
Por, “lodhja nga zgjerimi”, pas krizës financiare të vitit 2008 dhe problemet e borxhit të eurozonës – dhe votimit nga Britania e Madhe që të lënë BE-në, më parë një ithtar i zgjerimit të bashkimit – kanë hedhur dyshime mbi këtë perspektivë.
“Në një farë mënyre, [gjashtë] nuk janë të jashtëm, ata janë tashmë brenda, dhe ne kemi nevojë për ta”, citohet të ketë thënë një diplomat pro-zgjerimit të Bashkimit Europian. “Kjo është arsyeja pse ne kemi nevojë për të ri-aktivizuar procesin e zgjerimit”.
Komisioni pritet gjithashtu për të thirrur gjashtë vendet e Ballkanit Perëndimor për të zgjidhur mosmarrëveshjet e pazgjidhura bilaterale dhe për të luftuar korrupsionin, si dhe njohjen e problemeve që kanë ndjekur anëtarët e tjerë të rinj në dekadën e fundit.
Gjithsesi, siç thuhet më tej, Serbia dhe Mali i Zi, të cilat tashmë kanë filluar bisedimet për anëtarësim në Bashkimin Europian, janë parë si dy kandidatët më të mundshëm të Ballkanit Perëndimor për të arritur këtë qëllim deri në vitin 2025-ën, përpara Shqipërisë, Maqedonisë, Bosnje dhe Hercegovinës dhe Kosovës.
Ndërsa shumë shtete anëtare të Bashkimit Europian, duke përfshirë edhe ata më të rinj në Evropën Qendrore dhe Lindore, janë pro-zgjerimit, territoret e Ballkanit Perëndimor mund të bien në kundërshtim nga disa vende të fuqishme.
Në këtë drejtim, “Financial Times” gjithashtu merr shembull rastin e Spanjës, e cila a ka refuzuar të njohë Kosovën, si një shtet i pavarur për shkak të shqetësimeve rreth implikimeve të mundshme për statusin e Katalonjës.
Komisioni gjithashtu do të angazhojë gjashtë vendet e Ballkanit Perëndimor për të luftuar korrupsionin, pasi problemet që çuan në Rumaninë dhe Bullgarinë u vendosën nën një monitorim të posaçëm, pasi ato u bën pjesë e unionit në 2007.
Brukseli javën e kaluar ngriti shqetësime rreth kërcënimit të pavarësisë së gjyqësorit dhe luftës kundër korrupsionit në Rumani.
